AOPE en RIZZERVERE

Wanneer WAAL en NEET AOPE

 

MAONDAAG en DINSDAAG zeen veer GESJLAOTE.

 

GOONSDAAG t/m ZONDAAG zeen veer AOPE vanaaf 17.00 oer. 

 

 

   

 

RIZZERVERE  (al dan neet)

 

M.b.t. "rizzervere" besjtaon de grootste misversjtenj ; wáát is noe waor en waat néét ?!

 

Veer "rizzervere" ÍNKEL "Biej os Naeve"... 't gezellige "zaelke" wo maks. 18 (héél maks. 20) gaste kinne zitte om te aete. Dus ... "in 't kefee" totaal néét , as biej hóge oetzönjering wanneer d'r mit 'n rizzervering in 't zaelke get angers lup as geplend !

 

Wiejer rizzervere veer néét en nörges , en al zéker néét op 't terras (as det in gebroek is) én van Juni toet (medio) September eeder jaor haaje veer "Biej os naeve" TOEW , dus rizzervere veer ouch dáo néét !

 

Biej rizzerveringe van gezelsjappe baove de 8 gaste of méér winse veer os veuraaf 'n "keuze-lies" te kinne toemeele , zodet me 'n paar daag van teveure retoer meelt waat ederein gekaoze haet en veer die gerechte kinne "veurbereije" mit as doel det oos kleine keuke nao beheure blief funksjonere tiedes de gebroekelikke drökte mit alle anger gaste in 't kefee.

 

Annuleringe in deze deene uuterlik 24 oer van teveure te zeen gemeldj angers zalle veer de inmiddels gemaakte koste helaas toch éch in raekening motte bringe !

 

Haaj d'r biej oppe-bonnefooi aan komme en rizzerveringe estebleef raekening mit det veer néét "anti-kienjer" zeen , mer ouch néét zeen ingesjteld op die "klein" mienskes ?!  Veer höbbe gein kienjer-sjteul , gein kienjer-drenkskes en -menu's en ouch nieks te sjpele of 'ne balle-bak ... kortom , níeks veur kienjer , zodet geer häör ouch éch gein plezeer doot om ze mit te bringe nao os !  Díe gaon toch ouch väöl leever nao McDonald's of 'ne angere veredelde friet-kraom ?!

 

En dán nog 'n meljing m.b.t. "minder valide-miense" en "geresjpekteerde aajere" onger uch :

Oze Faubourg is gelaege in de aaj Remunjse Veursjtad , womit veer wille aangaeve det door de neudige rinnevasiejs en verboewinge de letste jaore 'n aantal "nivo-versjille" zeen ontsjtaon gekinmerk door óp- en ááf-sjtepkes en de WC's zeen baove.  Wanneer me dus meujlik ter bein is , mot me véúraaf aeve zélf bepaole of "dé Faubourg" dán waal de juuste keus is ?!

 

Al 't veurgaonde zal bés allemaol get "regelementaer" euverkomme , mer veer zeen leever veuraaf duudelik euver 'n aantal zake in oze Faubourg as det me os sjtrakkes teleurgesjteld verleut !

 

Aevegood moog geer netuurlik tóch altied aeve belle of 't op dét moment (det geer wilt komme) drök is , mer ás 't dán toevallig ongenajig drök is , besjteit de kans det de tillefoon dán neet opgepak waert.