Waem zeen veer

WAEM ... is PETER (Huijskens) mit biejnaam "Huijs" ?

 

PETER is al op vriej jonge laeftied "in de kroeg" belandj wo hae de rès van zien laeve zoog zitte !

Vanoet 'n femielie die gaaroet níeks mit horeca had , begos hae in 1978 in 't bekinde "Kelderke", toendertied dé (sjtudente)kroeg op 't Remunjse Sjtasie-plein.

Nao 'n jaor of 3 dáo haet hae 'n paar jaor "rondj gezjworve" tösse allerhanje bekinde "densings" rondjom Remunj toetdet hae 't tied vonj om ouch ins in 'n "aet-zaak" te gaon wirke.

Wie de Gebr.Claessens "De Vogelmolen" in Haele nuuj äöpende is hae dao "onopgeleid" begôs.

Ondanks det hae nieks mit 3-deilige pakke en nondedjuukes had , haet hae zich dao in recaor-tied opgewirk van ambulantje nao 1e man oppe vloer. Mit kaoke had hae ouch nieks (en nog sjteeds neet) , mer teijers opmake zodet 't oug ouch get had vonj hae sjoon om te doon.

 

En tóen ... 't blood kroop wo 't neet gaon kôs ...

In 1983 mos hae zoneudig 'n "eige" kefee-densing ("De Baog") oppe Veldjsjtraot in Remunj beginne , midde in de toch waal "ruige" horeca wiewaal hae dao toch 'n zaak van maakte wo zelde tumult waas , mer Jan-en-Alleman gezellige middage , aovende en nachte höbbe belaef !

'n Paar jaor later waerde besjlaote om de horeca waeges omsjtenj "tiedelik" te verlaote.

 

Gezeen hae al jaorelangk op tal van plaatse biljaarde kwaam begin-1998 "De Waegbrögk" vriej.

Wie hae nao zo'n kleine 2 jaor die zaak neet nao zien handj omgetoverd kreeg , kwaam "dit" kleine kefee'ke vriej en zoog hae wéér de rès van zien laeve dao zitte.

Nou ... noe (2020) biejnao 21 jaor later haet hae dao dus eindelik ins geliek in gekrege !

 

Op 17 September 1999 is hae mit "zien" Jolanda 'n "kefee mit get te aete" begôs.

Neet det Jolanda , waat 't beperkte aete zol gaon make , 'n keuke-prinses waas , mer tóch waal de affienieteit had mit van get gans invoudigs get lekkers te make.  Peter deej dus de "bedeening" (laes : de kroeg) en same begôs 't van nieks nao al sjnel leuk te loupe.

 

Nao jaore same ploetere mit get hulpkes is "Faubourg St. Jacques" oetgegreujd toet 'n "aet-kefee" mit de naodrök op "AET" en toet in de wieje omtrek bekind , zó bekind en drök det d'r door de jaore haer gein ontkomme aan waas om 'n paar man perseneel d'r biej te betrekke om de zaak gerund te kriege , zodet d'r ouch ins aaf en toe van vriej genaote kan waere.

 

Dét zeen veer dus ... Peter & Jolanda van "dé Faubourg" in de Remunjse Veursjtad.